Dürant trais ons n’ha eu lavurà vi dal cudesch da Klinghorn. Il cudesch raquinta la vita d’Euphemia sco legenda autobiografica fictiva. L’ütilisaziun da tecnicas e material pella producziun dal cudesch es statta üna enorma sfida e la realisaziun ha pretais blera pazienza. Mia lavur cumpiglia l’idea, la creaziun, il text, las illustraziuns ed il lavur da liacudesch. In collavuraziun cull’ufficina Parnassia (www.parnassia.org); Stephan Burkhardt e Hans Ueli Frey a Vättis vaina creà in lavur fina e pretensiusa ün’ouvra squitschada culla tipografia Troy Type da William Morris. Quella es culada in plom, missa e squitschada a man.

Id existan 10 exemplars originals dal cudesch da Klinghorn.
50 paginas. Tempera in öv sün fuond da chaltschina, pigmaints natürals. Lià in möd giapunais, squitsch dad or. Chaschetta cun reliev. Palperi e chartun.