"Bickabesch"
Lavur fina textila – proget artistic
Il mantel «Bickabesch» es inspirà dad ün antic büschmaint sloven ed es gnü disegnà, creà e fat a man aposta per üna muostra da moda in Solcava. Per gronda part es el fat our da lana da besch eingiadinaisa filada a man. Il böt es stat da rablar nan üna textura plü nöbla e plü fina pussibla. La structura chi para sco «tessüda» es gnüda chattada experimentond ed a la fin tras ün sbagl da far culs spaits! Quista structura nu`s chatta in ingün cudesch da muosters… L`es fina, ma eir closa e robusta, dimena bainischem adattada per ün mantel. Quist proget artistic textil es lavur finischma – il nom dal mantel as metta insembel our dal pled sloven bicka, quai voul dir agné ed il pled rumantsch besch.
L`idea da principi sco scizza disegnada. Ils detagls da culur s `han müdats dürant il process da lavur e sun gnüts abstrahats.
Detagls elavurats e prodot final
1 Structura da basa, lana da besch Engiadinaisa alba. La structura «tessüda» inventada.
2 Busacha cun ur da perlas sura e suot.
3, 4 Las trais striblas blauas vi da las mongias e vi da la rain, surtuttas dal büschmaint sloven da la skizza primara.
5, 6, 7 Structura da culur per las finischiuns da la mongias, las varts davantgiò e bod l `intera chapütscha – lana da besch culurida cun culuors da la natüra, fil da pingoula alb. Cumbinaziun da duos differentas tecnicas da far culs spaits.
